陳國邦羅敏莊 絕不結．分

羅敏莊（Mimi）和陳國邦將於下個月結束七年愛情長跑步入教堂，有人話搞結婚起碼要成年前準備，又說十個話結九個叫分！但這對準夫妻剛好相反，今年4月才開始籌備，婚前防吵秘訣除女方有絕對自主權話事外，阿邦一句「Mimi開心即係我開心」，難怪實食無黐牙，lum死未來陳太。

■ 早同住磨合性格

相見好同住難，拍拖幾甜蜜都好，婚後同一屋簷便美麗幻滅，故Mimi贊成先同住加深了解。相處初期雙方已好有默契，如女方愛煮飯收拾，男方則自動自覺負責木工及修理等工作。況且，男方由小到大經常和不同人合租同住，跟喜歡的人一起，根本不覺有問題。同住多年，故即使結婚，也不會因身份上的轉變而不適應，因大家都當對方是終生伴侶，反覺變得更名正言順。
Mimi希望結婚能令自己有個難忘回憶外，還想趁父母健壯時候了他們一個心願。
阿邦一開口，Mimi即變小鳥依人，而Mimi也熱愛Kitty。

■ 婚禮進行曲有段古

其實Mimi早於07年曾落訂租場地辦婚宴，卻竟因場地不符合消防條例而告吹。幸好當時可獲賠償及其他結婚細節還未開始，故心情也沒太大影響。直到今年買完樓又覺儲夠錢，便覺是時候要結婚了。

結婚擺酒最重要是擇良辰吉日，Mimi本身是基督徒並不迷信，選擇12月，純因喜歡兩個字。「12月係我生日，一向都好鍾意呢個月份，同埋覺得夏天結婚會熱死。至於酒店，超近我屋企又近阿邦o的親友，真係好方便就即刻拍板。」加上雙方家長非常開通，全無限制下令兩人不易因籌辦婚禮生磨擦。

兩人坐下即不經意牽手。

■ 朋友幫手免煩

當然，藝人身份多朋友及贊助幫手，也令婚事水到渠成。「早前跟贊助商到日本拍婚紗照，服飾全由佢o地諗掂。雖然去到打大風，但出o黎效果都好靚，佢o地甚至叫我o地影完留多幾日當預支蜜月。至於回禮禮物，我就想自資出隻唱片當紀念，咁問老闆要幾錢，點知佢好好人話要幾多就幫我做，唔收錢。其他好似請帖等，都係朋友幫我設計……」
熱愛養貓，自言不必再生。
特地買來裝結婚證書。
5年前買三對熊結婚公仔，兩對送人最後這對自用。
超靚戒指盒一見即買。

■ 切忌改上改

別以為Mimi做主力，又有朋友幫手，阿邦就蹺埋雙手唔理，其實背後是因為兩人互相信任。「揀得佢做太太就要信佢，一句講晒，只要佢開心就得。」道盡阿邦心聲。但每當Mimi要他做決定時必不會推辭，決定後Mimi亦不會反對。「我張請帖用粉紅色設計，回禮利是封我都想用粉紅色，不過佢最後揀o左金色我都無反對。因為你畀得對方話事就要信佢，若再反對即係搵麻煩o黎搞。」

雖然好像事事順利，但原來Mimi曾為請客問題煩惱，因圍數有限人又太多，阿邦速戰速決，即時跟Mimi一同處理，逐個名單睇，不太熟的就派餅卡代替，直接攤開問題。到尾一句，學阿邦話齋：「婚一定要結，搞結婚只是想Mimi開心。」這便無懼結婚變「結．分」。

■ 專家話：婚前調整預期

善於處理兩性關係的美國性學院性學家黃偉鴻指，一般準新人搞結婚時多有爭拗，是因為兩人預期出現不同步所致。故在最初應將兩人期望攤開來傾。「結婚前兩人應分別寫出自己預算同期望，可以由差異細o既地方開始分享，傾完後睇點樣協調到最接近，若過程中真係有爭吵，應該先冷靜再協調，諗o下若果唔讓步損失會有幾大。又或掉轉角度去諗o下，讓步o既話可以換o黎將來幸福，咁值唔值得。其實婚前調整可以等大家有最大得益，透過話題放上檯傾，通常都可以解決。」

以上文字來自2009年11月17日蘋果日報
( http://74.125.153.132/search?q=cache:lbk-LZrto8IJ:www.mimilo.net/news/news_091117.htm+%E9%BB%83%E5%81%89%E9%B4%BB&cd=91&hl=zh-TW&ct=clnk&gl=hk )